Дортмундтық «Боруссия» рекорд орнатуы мүмкін

Әлемдегі клубтық дәрежедегі ең басты турнирде Дортмунд қаласының "Боруссия" командасы рекорд орнату алдында тұр. Чемпиондар лигасының топтық кезеңінде осы кезге дейін 20 гол соққан 3 қана команда бар. Олар - "Манчестер Юнайтед" 1998/99; "Барселона" (2011/12) және мадридтік "Реал" (2013/14). Сол 20 гол межесіне жету үшін "Боруссияға" соңғы 6-турда бір гол соғу керек. Бір өкініштісі, немістер соңғы матчты "Реалдың" алаңында ойнайды.