Деспотович Босния құрамасында ойнауға қарсы емес

«Астананың» шабуылшысы Джордже Деспотович қай Ұлттық құраманың намысын қорғағысы келетінін айтты.

- Менің Сербия мен Босния азаматтығым бар. Әрине, Босния құрамасына шақырса, қуана-қуана келісемін. Мен Сербия жастар құрамасында ойнадым, бірақ мен Босния құрамасында да өнер көрсете аламын. Әйтсе де, Сербия мен Босния құрамасында жақсы шабуылшылар көп, сондықтан мен бар күшімді салып, өз-өзімді мықты қырынан көрсетуім қажет, - деді Деспотович Blic порталына.