Колумбиядағы әуе апатынан кейін қанша адамның қайтыс болғаны белгілі 

Колумбияда «Шапекоэнсе» футболшылары отырған ұшақ құлаған соң, 75 емес, 71 адам қайтыс болған. Бұл туралы Ondo Cero радиостанциясы хабарлады.

«Іздеу-құтқару операциясы аяқталды, нәтижесі мынадай: алты адам жарақаттанды және 71 адам қайтыс болды, жалпы алғанда 77 адам», - деді Колумбияда апаттан кейінгі зардапқа қарсы күрес орталығының директоры Иван Маркес.

Әуе апатынан үш футболшы (Алан Рушел, Джексон Фольман және Хелио Сампьер Нето), жолсерік Химена Суарес, журналист Рафаэль Хенцель және авиатехник Эрвин Тумери тірі қалған. Апаттан кейін тірі қалған тағы бір футболшы Маркос Данило ауруханада көз жұмды.