«Астана» «Арсеналмен» жолдастық кездесу өткізеді

«Астана» қыста маусымаралық үзілісте тулалық «Арсеналмен» жолдастық кездесу өткізеді. Бұл туралы тулалық ұжымның президенті Гурам Аджоев айтты.

«Түркияда дайындаламыз. Дәл қазір үш клубпен келісіп қойдық - «Астана», «Лудогорец» және «Марибор». Осы клубтармен «Арсенал» жолдастық матчтар өткізеді. Енді тағы бес клубпен келіссөз жүргізіп жатырмыз, бәрі де еуропалық чемпионатта ойнайды. Жанкүйерлер жолдастық кездесулердегі қарсыластарымыздың деңгейі таңқалдырады», - деді Аджоев «Арсеналдың» ресми сайтына.