Тимощук «Зениттің» бапкерлік штабына кірмейді

Жақында ғана «Қайрат» сапынан кетіп қалған Анатолий Тимощук «Зениттің» бапкерлік штабына кіретіні туралы ақпаратты жоққа шығарды.

«Газеттер ойларына келген нәрсені жаза береді», - деді Тимощук.

Жақын арадағы 37 жастағы футболшы PRO бапкерлік лицензиясын алады, кейін Ресей Премьер-лигасында жаттықтырушы болуға мүмкіндігі бар.

Айта кетейік, Тимощуктің мансабында донецкілік «Шахтер», петерборлық «Зенит» және мюнхендік «Бавария» секілді ұжымдар болды. Ал «Қайратта» ол Қазақстан Кубогы мен Суперкубогын жеңіп алды.