Жақсыбеков пен Нығматулин ҚФФ Атқарушы комитетінің құрамында емес

Елордамызда Қазақстан футбол федерациясының кезектен тыс сайлау конференциясы өтті. 

Бұған дейін Атқарушы комитетке 25 адам мүше болған. Осы жолы 13 адам кірді. Олар: Сейілдә Байшақов, Николай Мещеряков, Қаныш Әубәкіров, Олжас Абраев, Азамат Айтқожин, Әміржан Түсіпбеков, Рафаэль Гарибян, Дархан Қалетаев, Елсияр Қанағатов, Бауыржан Әбдубаитов, Қайрат Оразбеков, Бақберген Әміреқұлов, Игорь Утробин.

Ал бұрынғы құрамда болған Әділбек Жақсыбеков, Мәжіліс төрағасы Нұрлан Нығматулин, ҚР Ұлттық қауіпсіздік комитеті төрағасының орынбасары Самат Әбішев, «Қазатомөнеркәсіп» компаниясының басшысы Асқар Жұмағалиев, кәсіпкер Арманжан Байтасов, «Қайрат» футбол клубының басшысы Қайрат Боранбаев, «Ордабасының» бас бапкері Бақтияр Байсейітов жаңа құрамға енбеді.