Бақтияр Байсейітов: «Мане мен Кассай «Ордабасының» оқу-жаттығу жиынына қатысады»

«Ордабасының» бас бапкері Бақтияр Байсейітов Prosports тілшісіне шымкенттік клубқа ауысуы мүмкін жаңа футболшылар жайлы айтып берді.   

- Бақтияр Даниярұлы, Тұңғышбаевпен келісімшарт ұзартылмады деген апқарат қаншалықты рас? 

- Жоқ, ол командада қалады. Нақты келісімшарт әлі жасасқан жоқпыз, бұл мәселе алдағы оқу-жаттығу жиынында шешіледі. 

- «Ордабасы» Малик Мане мен Фернандер Кассайға қызығушылық танытып жүр. Бұл жайлы не айтасыз?   

- Иә, көптеген футболшылар «Ордабасыда» ойнағысы келеді, бірақ Мане мен Кассай шымкенттік клубқа ауысады деп нақты айтпас едім. 

- Олар ОЖЖ-ға қатысады ма?

- Иә.

- Смақов «Алтайға» ауысуы мүмкін бе?

- Саматтың өзіне байланысты. Соңғы рет онымен сөйлескенде, ол «Ордабасыда» қалғысы келетінін айтқан болатын.