Андрей Чернышев: "Қазақстанда маусым алдында қой сойып, соны жеп алады"

Мәскеулік "Спартак" пен оралдық "Ақжайықтың" бұрынғы бас бапкері Андрей Чернышев қазақстандық клубтардың бір дәстүрін айтып берді.

- Маусымның басында команда жасанды алаңда жиналып, жергілікті молда келді де, дұға оқыды. Артынша біздің массажшымыз қолына пышақ алып, қойды бауыздап жіберді. Мен бұған қарай алмадым. Кейін қақпашылар оның қанын алып, өз қақпаларына жағып қойды. Сөйтіп, қойды пісірді де, түскі ас қылып жеп алды, - деді Чернышев.