Евгений Постников "Астанаға" қайта оралды

Қазақстан азаматтығы бар ресейлік қорғаушы Евгений Постников "Астана" футбол клубына қосылды.

Бұл туралы елордалық клубтың баспасөз-қызметі хабарлады.

Естеріңізге сала кетсек, биылғы маусымда үш дүркін Қазақстан чемпионы легионерлердің көп болуына байланысты Постниковты тізімнен шығарып тастаған болатын. Содан бері, Евгений клубсыз жүрді. Ал енді белгілі болғандай, 30 жастағы қорғаушы "Астанаға" қайта оралды.