Қазақ футболының ардагерлері мен журналистер жолдастық матч өткізді

Бүгін Талғардағы Ұлттық құраманың базасында Қазақ футболының ардагерлері жасыл алаңда журналистермен кездесті.

Тартысты өрбіген кездесу ардагерлердің жеңісімен аяқталды - 3:1. Жеңімпаздар сапында Берік Арғымбаев, Сергей Климов және Вахид Масудов гол соқса, тілшілер командасында Евгений Кравченко көзге түсті.

- Бұқаралық ақпарат құралдарының өкілдерімен жиі ойнаймыз. Олар футбол ережесін жақсы біледі әрі футболы туралы күшті жазады, - деп қорытындылады бүгінгі ойынды ҚФФ президенті міндетін атқарушы Сейілда Байшақов.