Исламхан "Қайратпен" келісімшартты ұзартты

"Қайраттың" жартылай қорғаушысы Бауыржан Исламхан алматылық клубпен жаңа келісімшартқа отырды.

Бұл туралы "Халық командасының" ресми сайты жазады.

Жаңа келісімге сәйкес, 23 жастағы футболшы "Қайрат" сапында 2018-ші жылға дейін өнер көрсетеді.

Естеріңізге сала кетсек, "Баторик" алматылық ұжымға екі жыл бұрын ауысқан болатын. Екі жыл ішінде Исламхан "Қайраттың" жетекші ойыншысына айналды.