«Ақтөбе» мен «Ордабасы» өзара сегіз гол тоғытты

<p style="text-align: justify;"> <strong>Футболдан ел чемпионатының 23-турында &laquo;Ақтөбе&raquo; өз алаңында &laquo;Ордабасыны&raquo; қабылдады.</strong></p> <p style="text-align: justify;"> Матчта жанкүйерлер сегіз гол көре алды. Ойынның есебін 15-минутта Отар Марцваладзе ашқан. Бірақ бірінші тайм аяқталар тұста Алексей Щеткин мен Асланбек Кәкімов ақтөбеліктерді есепте алға шығарды.</p> <p style="text-align: justify;"> Шымкенттіктер екінші таймды да сәтті бастады. 57 және 77-минуттарда бас төреші &laquo;Ақтөбе&raquo; қақпасына пенальти белгіледі. Екі сәтте де нүктеге келген Александр Гейнрих мүлт кетпеді. Ордабасы алда. Бірақ 84-минутта Виктор Крюков оң қанаттан айып алаңына еніп, жақын бұрышты дәл көздеді. Араға төрт минут салып, Щеткин дубль авторы атанды да, &laquo;Ақтөбені&raquo; алға шығарды. &laquo;Ордабасы&raquo; ойыншылары да соңына дейін күресіп бақты. Нәтижесінде ойынның ең соңғы секундтары өтіп жатқанда Гейнрих хет-трик авторы атанып, есепті 4:4 қылды.</p> <p> &nbsp;</p>