Уругвай мен Кабо-Верде мықтыны анықтай алмады
Әлем чемпионатының H тобындағы матчта Уругвай мен Кабо-Верде құрамалары кездесті, деп хабарлайды Prosports.kz.
Ойын АҚШ-тың Майами қаласындағы «Хард Рок» стадионында өтті. Кездесуге норвегиялық төреші Эспен Эскос бастаған қазылар бригадасы қызмет көрсетті.
Матчтағы есепті 23-минутта Кабо-Верде құрамасының ойыншысы Кевин Ленини ашты. Алайда бірінші таймның соңында Максимилиано Хавьер Араухо Вильчес (44) пен Агустин Каноббио (45+6) гол соғып, Уругвайды алға шығарды.
Екінші таймда Элио Варела 61-минутта таразы басын теңестіріп, кездесу 2:2 есебімен аяқталды.
Осылайша, Уругвай мен Кабо-Верде құрамалары екі турдан кейін екі ұпайдан жинады. Ал H тобында төрт ұпаймен Испания көш бастап тұр. Сауд Арабиясының еншісінде бір ұпай бар.
ӘЧ-2026: Испания Сауд Арабиясын ойсырата жеңді
Әлем чемпионатында тағы бір жұлдыз пайда болды