Аргентина әлем чемпионаты алдындағы соңғы матчында жеңіске жетті

Аргентина 2026 жылғы әлем чемпионатына дайындық аясында Исландиямен жолдастық кездесу өткізді, деп хабарлайды Prosports.kz.

Ойын АҚШ-тың Алабама штатындағы Оберн қаласындағы Джордан-Хара стадионында өтті. Америкалық қазы Розендо Мендоса төрелік етті.

Аргентина 3-0 есебімен жеңіске жетті. Жеңіс голдарын Валентин Барко (8-минут), Лионель Месси (72-минут, пенальти) және Тиаго Альмада (86-минут) соқты. Сегіз дүркін «Алтын доп» иегері жарақатынан айығып, 70-минутта алаңға шықты.

2026 жылғы әлем чемпионаты 11 маусым мен 19 шілде аралығында АҚШ, Мексика және Канадада өтеді. Аргентина J тобында Алжир, Австрия және Иорданиямен кездеседі.

Қырғызстан жолдастық матчта ұпай бөлісті

Саудиялықтар «Барселона» ойыншысына қызығушылық танытып отыр

Габон құрамасының бұрынғы футболшысы өлі күйінде табылды