«Бавария» требл жасауға жақын

Германияның «Бавария» клубы осы маусымда үш негізгі турнирде де атой салып келе жатыр, деп хабарлайды Prosports.kz.

Күні кеше мюнхендіктер Бундеслиаганың 30-турында «Штуттгартты» 4:2 есебімен жеңіп, мезгілінен бұрын топ жарды. Алда әлі төрт тур бар. Бірақ бәрінде жеңілсе де, бірінші орыннан түспейді. Осылайша, «Бавария» 35-ші рет Бундеслиага чемпионы атанған болатын.

Қазір олар негізгі үш турнирде де жеңімпаз атанып, требл жасауы мүмкін жалғыз клуб болып табылады:

• Бундеслига – чемпион
• Германия кубогы – 1/2 финал
• Чемпиондар лигасы – 1/2 финал.

Венсан Компани бастаған команда кубоктың жартылай финалында «Байермен», ал Чемпиондар лигасында «ПСЖ-мен» күш сынасады.

Месси кезекті голдарын соғып, командасын жеңіске жетеледі

Испания кубогы: «Атлетико» финалда жеңіліп қалды