Спорттық гимнастика: Асан Салимов Әлем кубогы кезеңінде күміс медаль жеңіп алды
Қазақстандық гимнаст Асан Салимов Мысырдың Каир қаласында өтіп жатқан Әлем кубогы кезеңінде күміс медаль жеңіп алды, деп хабарлайды Prosports.kz тілшісі ҰОК баспасөз қызметіне сілтеме жасап.
Спортшы қол тіреп секіру жаттығуында сәтті өнер көрсетті.
Финалда екі мүмкіндіктің қорытындысы бойынша Салимов төрешілердің шешімімен 14,083 ұпай жинап, екінші орынға ие болды.
Армениялық Артур Давтян жарыс жеңімпазы атанды - 14,666 ұпай. Ал үшінші орынды чехиялық Йонас Данек иеленді - 14,016 ұпай.
Айта кетейік, осы финалда тағы бір қазақстандық гимнаст Алтынхан Темірбек те өнер көрсетіп, бесінші орынға тұрақтады.
Бұған дейін ат снарядындағы жаттығуда Зейнолла Ыдырысов күміс жүлдеге ие болса, Нариман Курбанов қола медаль жеңіп алған еді.
ҚР Туризм және спорт министрі Анталияда өткен VIII этноспорт форумына қатысты
Қазақстаннан 18 спортшы 2026 жылғы жасөспірімдер Олимпиадасына шақырту алды