Vertiqal Studios Luminosity-ды сатып алмақ
2016 жылы CS:GO мейджор турнирінде чемпион атанған Солтүстік америкалық Luminosity Gaming ұйымы Vertiqal Studios компаниясына шамамен 645 мың долларға (350 млн теңге) сатылмақ, деп хабарлайды Prosports.kz.
Келісімге сонымен қатар Omnia Media медиакомпаниясы да кіреді. Сауда ресми түрде 5 қыркүйекте жабылады деп жоспарланып отыр.
Luminosity 2015 жылы құрылып, бразилиялық құрамымен кеңінен танылды. Команда сапында Габриэль FalleN Толедо, Фернандо fer Альваренга және Марсело coldzera Дэвид ойнап, 2016 жылы Линкольн fnx Лау мен Эпитасио TACO де Меломен бірге АҚШ-та өткен алғашқы мейджор — MLG Columbus турнирінде топ жарды. Кейін ұжым SK Gaming қатарына қосылып, ESL One Cologne жарысында қатарынан екінші чемпиондықты жеңіп алды.
Бүгінде Luminosity Apex Legends, League of Legends және PUBG ойындарында бақ сынап жүр. Сондай-ақ ұйым файтинг сахнасының жұлдызы Доминик SonicFox Маклинді де таныстырады. Vertiqal Studios келісім аяқталған соң Luminosity брендін одан әрі дамытуға ниетті.
Virtus.pro ұжымы Tyloo командасын жеңіп, IEM Cologne турнирінің екінші кезеңіне өтті