«Реалдың» жаңа бапкері трансферлер туралы мәлімдеме жасады
«Реал Мадридтің» жаңа бас бапкері Хаби Алонсо клуб басшылығымен жазғы трансферлік кезеңіндегі әрекеттері туралы айтып берді, деп хабарлайды Prosports.kz.
«Жаңа трансферлер? Біздің міндетіміз — ойынымыздың әр бөлігін жетілдіруге ұмтылу, құрамды жоспарлау тұрғысынан... Соңғы уақытта мен клубпен қарым-қатынас пен көзқарасты қалыптастыруға тырысып жүрмін, бәтуаластыққа жету үшін. Талаптармен келдім деп айта алмаймын, керісінше, команда ретінде жұмыс істеп, дамуға ұмтылғым келеді», — деді Алонсо Madrid Universal сайтына берген сұхбатында.
Алонсоның соңғы жұмыс орны — «Байер». Ол командағы 2022 жылдың қазан айынан бастап жаттықтырған. Оның жетекшілігімен леверкузен клубы Германия чемпионы атанып, Германия кубогы мен Суперкубогын жеңіп алған. «Байерге» дейін Хаби «Реал» жастар жүйесінде сәтті жұмыс істеген.