Карими 2024 жылғы Әлем кубогының ең титулды қатысушысы болды
Қазақстандық спорт тарихындағы ең титулды гимнасттардың бірі Милад Карими «Дядя Ваня» Telegram-арнасына берген сұхбатында әлі пәтер алмағанын айтып берді, деп хабарлайды Prosports.kz.
Бұған дейінгі сұхбатында Милад ата-анасымен бірге жалдамалы пәтерде тұратынын айтқан болатын. Содан бері талай жүлде болғанымен, үй мәселесі толық шешілмеген.
«Сол сұхбаттан бастап пәтер мәселесі ішінара шешілді. 2021 жылы мен Токио Олимпиадасында сәтті өнер көрсеттім, онда мен әлемдегі ең мықты 5 гимнасттың қатарына кірдім. Бұл нәтиже менің спорттық мансабымда да, жалпы өмірімде де маңызды кезең болды. Алматы әкімдігінің қолдауының арқасында маған баспана берілді. Мен көрсетілген көмекті бағалаймын, бұл өмір мен мансаптың сол кезеңінде айтарлықтай қолдау болды. Бүгінгі таңда мен берілген пәтерде тұруды жалғастырамын. Бірақ ол уақытша ғана берілген және менің жеке меншігімде емес. Әрине, көптеген адамдар сияқты, мен де өзімнің баспанамда тұрғым келеді. Уақыт өте келе бұл мәселені шеше аламын деп үміттенемін», - деп атап өтті спортшы.
2024 жылы Карими әлем кубогының кезеңдерінде сегіз марапатқа ие болды, оның алтауы алтын, алты кезеңнің қорытындысы бойынша ең титулды қатысушы атанды.