Дастан Сатпаев кімді үлгі тұтатынын айтты
Алматылық «Кайраттың» 16 жастағы шабуылшысы Дастан Сатпаев Лондонның «Челси» клубындағы сүйікті ойыншыларын атап өтті, деп хабарлайды Prosports.kz Scout in Eurasia-ға сілтеме жасап. Жас футболшы ағылшындық клубта кімдермен бірге ойнағысы келетінін жасырмады.
«Қазір „Челсидің“ құрамы өте мықты. Энцо Фернандеспен және Коул Палмермен бірге алаңға шыққым келеді. Бірақ әсіресе Михаил Мудрикпен ойнағым келеді — ол менің әрқашан кумирім, жылдамдығы мен техникасына тәнтімін», — деді Сатпаев.
Айта кетейік, «Кайрат» Сатпаевтың трансфері бойынша «Челсимен» келісімге келген. Жоспар бойынша, футболшы 2026 жылдың жазында, 18 жасқа толғанда, Англия Премьер-лигасы клубына қосылады. Келісімшарт сомасы төрт миллион фунт стерлинг деп хабарланған.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или