Балауса Мұздыман төрешілер шешімімен жеңіске жетті
Кәсіпқой бокстан ел намысын қорғап жүрген Балауса Мұздыман (6-0, 5 КО) Астанада өтіп жатқан «Battle of the Brave» бокс кешінде шаршы алаңға шықты, деп хабарлайды Prosports.kz тілшісі ҚазАқпаратқа сілтеме жасап.
Әйелдер арасында жеңіл салмақтағы айқас 2 минуттан 8 раундқа жоспарланған. Отандасымыз филиппиндық Мария Тереза Пинилимен (7-1, 2 КО) қолғап түйістірді.
Балауса айқас барысында бірінші нөмерде жұдырықтасып, қарсыласына қысым көрсете білді. Қортындысында қазақстандық боксшы қыз төрешілердің бір ауыз шешімімен жеңіске жетті.
Айта кетерлігі, бұл — Балауса Мұздыманның кәсіпқой бокстағы жетінші жеңісі.
Осыған дейін хабарлағанымыздай, бүгін «Барыс Арена» мұз сарайында отандық және шетелдік бокс жұлдыздарының қатысуымен үлкен тарихи бокс кеші өтіп жатыр.
Кештің басты жекпе-жегінде ел тарихында алғаш рет IBF және WBO тұжырымы бойынша орта салмақтағы әлем чемпионы Жәнібек Әлімханұлы (16-0, 11 КО) өз белбеуін Франциядан келген үміткер Анауэль Нгамиссингеге (14-0, 9 КО) қарсы қорғайды.