Григорий Ломакин Үндістандағы жарыста жеңіс тұғырына көтерілді
Қазақстандық теннисші Григорий Ломакин жұптық сында Бенгалуру (Үндістан) ITF W25 турнирінің чемпионы болды, деп хабарлайды Prosports.kz тілшісі ҚазАқпаратқа сілтеме жасап.
Отандасымыз америкалық спортшы Ник Чеппелмен бірге барлық кездесуін сәтті өткізді.
Олар алдымен жергілікті теннисшілер Дипак Анантхараму — Притам Ганешті жарыс жолынан тайдырды — 6:3, 6:3.
Содан кейін ширек финалда жарыстың 2-ракеткалары, үндістандықтар Саи Картик Редди Ганта — Вишну Вардханды қапы қалдырды — 4:6, 6:4, 10:8.
Жартылай финалда жергілікті жұп Ариан Шах — Каран Сингхті ойсырата жеңді — 6:1, 6:0.
Григорий Ломакин — Ник Чеппелл соңғы шешуші бәсекеде үндістандықтар Эс Де Праджвал Дев — Нитин-Кумар Синхтан айласын асырды — 6:2, 7:6 (7:5). Матч 1 сағат 23 минутқа созылды.