«Атлетикоға» ымдағаны үшін «Реал» ойыншылары жазаға тартылды
УЕФА-ның этика және тәртіп комитеті «Реал» футболшыларының «Атлетикомен» болған қарымта матчтан кейінгі әрекетіне қатысты шешім шығарды. Ойыншылардың кейбірі қарсылас жанкүйерлеріне түрлі ым-ишара көрсетіп, соның салдарынан жазаланды.
Қорғаушы Антонио Рюдигер, жартылай қорғаушы Дани Себальос және шабуылшы Килиан Мбаппе бір матчқа шартты түрде шеттетілді. Оларға берілген сынақ мерзімі — бір жыл.
Сонымен қатар, УЕФА Рюдигерге — 40 мың, Себальосқа — 20 мың, ал Мбаппеге — 30 мың еуро көлемінде айыппұл салды.
Айта кетейік, «Реал» бұл матчта жеңіліп қалса да, екі ойын қорытындысы бойынша пенальти сериясында басым түсіп, келесі кезеңге өткен болатын. Дегенмен, жеңістен кейінгі әрекеттері тәртіпке томпақ келді.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или