«Шахтер» директоры Талғат Дүйсеков жаңа қызметке тағайындалды
Қарағандылық «Шахтер» футбол клубының атқарушы директоры Талғат Дүйсеков Қ.Жұбанов атындағы Ақтөбе өңірлік университетінде Директорлар кеңесінің төрағасы лауазымын қоса атқарады, деп хабарлайды Prosports.kz.
Талғат Дүйсековтің әртүрлі салаларда, оның ішінде білім беру, мемлекеттік басқару және бизнесте мол тәжірибесі бар. Бұған дейін коммерциялық және коммерциялық емес ұйымдарда жетекші лауазымдар атқарды, сондай-ақ Еуразия ұлттық университетінің директорлар кеңесінің мүшесі болған. Қазіргі уақытта Астанадағы «AMANAT» партиясының қалалық филиалында Экономика және кәсіпкерлікті дамыту мәселелері жөніндегі кеңестің төрағасы болып табылады.
ҚПЛ-ның былтырғы маусымында «Шахтер» соңғы орын алып, тарихында алғаш рет Бірінші лигаға түсіп қалған болатын. Осыдан кейін Қарағанды облысының әкімі клубты басқаруға Талғат Дүйсековті алып келген болатын.