Кроуфорд Канелоны жеңе ала ма? Боб Арум өз пікірін айтты
Танымал промоутер Боб Арум АҚШ боксшысы Теренс Кроуфордтың Сауль «Канело» Альваресті жеңе алатынына сенімді. Оның айтуынша, Кроуфордтың рингтегі ерекше стиліне қарсылас дайын болмайды.
«Кроуфорд — өте ерекше боксшы. Оның екі қолмен де жұмыс істей алуы — қарсыластары үшін күтпеген дүние. Олар ондайға дайын емес. Ол шын мәнінде ерекше талант», — деді Арум SecondsOut сайтына берген сұхбатында.
Айта кетейік, Альварес соңғы жекпе-жегінде Эдгар Берлангамен 12 раунд бойы айқасып, төрешілердің бірауызды шешімімен жеңіске жетті.
Ал Кроуфорд алғаш рет бірінші орта салмақта жұдырықтасып, Өзбекстан боксшысы Исраил Мадримовты жеңді. Осы кезде WBO және IBF тұжырымы бойынша орта салмақтағы әлем чемпионы Жәнібек Әлімханұлы да мәлімдеме жасап, Канелоға қарсы шығу абсолют чемпион болудан да маңыздырақ екенін айтты.