Ұлттық құрама ойыншысы құрамадағы мансабын аяқтады
Көкшетау футболының түлегі Камила Құлмағамбетова Қазақстан құрамасынан кеткенін мәлімдеді, деп хабарлайды Prosports.kz
Камила Құлмағамбетова Қазақстан чемпионатындағы мансабын 2013 жылы Көкшетау «Оқжетпесінде» ойнап бастады. 2016 жылы «БИІК-Шымкент» клубына ауысты.
Сонымен қатар, Құлмағамбетова Украинаның «Ворскла» және «Колос» командаларында өнер көрсеткен.
Камила 7 дүркін Қазақстан чемпионы және 7 дүркін ел кубогының иегері. 2012–2014 жылдары Қазақстанның 19 жасқа дейінгі жастар құрамасында ойнады
Камила 2016 жылы негізгі құрамаға мерзімді түрде шақыртулар ала бастады. Ол ұлттық құрама сапында 26 матч өткізіп, 2 гол соқты.
Қазақстан футбол федерациясы Камилаға әйелдер футболын дамытуға қосқан үлесі үшін алғыс айтып, алдағы уақытта табыс тіледі.