ҚФФ премьер-лиганың үш клубын жазалады
Қазақстан футбол федерациясының Бақылау-тәртіптік комитеті үш команданы жазалады, деп хабарлайды Prosports.kz.
Тәртіптік комитет «Ақтөбе», «Атырау» және «Ұлытауға» қатысты тәртіптік шаралар қабылданды.
Клубтар 2025 жылғы маусымның Суперкубогы мен Премьер-лигасындағы ойындарда футболшылар мен бапкерлер штабы алған көптеген ескертулер үшін айыппұл төлеуге міндеттелді.
Әр команда 393 200 теңге (100 АЕК) көлемінде айыппұл төлейді. «Ақтөбе» төрт ойыншысының және бас бапкерінің Суперкубок финалындағы «Қайратқа» (0:2) қарсы матчта алған ескертулері үшін жазаланды. «Атырау» екінші турда «Оқжетпеске» (1:2) қарсы ойында бес ойыншысының ескерту алғаны үшін айыппұл арқалады, ал «Ұлытау» үшінші турда «Жеңіске» (1:1) қарсы ойында осындай тәртіп бұзушылыққа жол берді.
Клубтар айыппұлды 2025 жылғы 19 сәуірге дейін төлеуі тиіс.