Қазақстандық сумошы Ерсін Балтағұл рейтингте жоғарылады

Жапония сумо федерациясы сумошылардың рейтингісін жаңартты, деп хабаралайды Prosports.kz.

Сондай-ақ, наурыз айының 9-23 күндер аралығында Осака қаласында өтетін Хару бащё турниріне қатысатын балуандардың тізімін жариялады. 

Жаңартылған рейтингте кәсіпқой элиталы сумоның ең жоғарғы Макучи дивизионында Кинбозан Харуки атымен бақ санайтын қазақстандық Ерсін Балтағұл Maegashira-5 дәрежесіне көтерілді. Ол қаңтар айындағы Хацу бащёны турнирінде Maegashira-14 дәрежесімен күрескен. Ал, қаңтар айындағы Хацу бащё турнирін 3-орынмен аяқтаған.

Айта кетейік, Ерсін Хацу бащёда жоғары нәтиже көрсеткені үшін «Жаужүрек жауынгер» номинациясымен марапатталған болатын.