Қазақстан Азия ойындарындағы екінші медальді жеңіп алды

Конькимен жүгіруден Қазақстан құрамасының спортшысы Евгений Кошкин 2025 жылы Харбиндегі (Қытай) Азия ойындарының күміс жүлдегері атанды, деп хабарлайды Prosports.kz.

Спортшы 100 метр қашықтықта екінші нәтиже көрсетті. Ол қытайлық Гао Тинюден кейін екінші болды. Үздік үштікті Джун Хо Ким (Оңтүстік Корея) түйіндеді.

Айта кетейік, Қазақстанның қоржынында екі медаль бар. Бұған дейін Қазақстанның аралас құрамасы эстафетада екінші орын алған болатын.