Қамшыбек Қоңқабаев жаңа қызметке тағайындалуы мүмкін
Бұл туралы Қызылорда облыстық дене шынықтыру, спорт және туризм басқармасының басшысы Бақтияр Артаев өңірлік коммуникациялар қызметінде өткен брифинг барысында мәлімдеді.
Бақтияр Артаевтың айтуынша, «Тарлан» бокс кешенін мемлекеттің балансына алу жоспарланған. Егер осы жұмыс ойдағыдай аяқталса, бокстан Олимпиада ойындарының жүлдегері Қамшыбек Қоңқабаев жұмысқа қабылданады.
«Бокс кешенін мемлекеттің балансына алсақ, Сыр өңірінің мақтанышы Қамшыбек Қоңқабаевты жұмысқа қабылдаймыз. Сонымен қатар, Тұрсынбай Құлахмет секілді жас мамандарды да шәкірт тәрбиелеу жұмысына тартып жатырмыз. Өңірде боксты дамытуға барынша көңіл бөлініп келеді. Өздеріңізге белгілі, жуырда 81 келі салмақ дәрежесінде Азамат Бектас ел чемпионы атанды. Осындай чемпиондарды дайындау жұмыстарын одан әрі жандандырамыз », деді Бақтияр Артаев.