Теннисші Сандуғаш Кенжебаева Антальядағы жарыстың жеңімпазы атанды
19 жастағы Сандуғаш Кенжебаева жұптық сында Антальяда (Түркия) өтіп жатқан ITF W15 турнирінің жеңімпазы атанды.
Қазақстандық теннисші жұптық сында түркиялық Илай Йорукпен бірге өнер көрсетті.
С.Кенжебаева/И.Йорук финалда германиялық Мина Ходжич/швейцариялық Мари Меттраукспен бас жүлдені сарапқа салды.
Бірінші кезеңде қазақстандық-түркиялық жұп сәтті ойнады – 6:4.
Екіншісінде қарсыластары есе қайтарды – 5:7.
Алайда супер тай-брейкте Сандуғаш пен Илай жеңісті жұлып алды – 10:8.
Айта кетейік, тағы бір қазақстандық теннисші Аружан Сағындықова ресейлік Мария Головинамен бірге Монастир (Тунис) ITF W15 жарысының финалында ұтылып қалды.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или