«Қырғыз феномені» Муртазали Магомедов OCTAGON 67 турнирінде нокаутпен жеңіске жетті
Еуразиялық жекпе-жек лигасының ұйысдастыруымен өтіп жатқан OCTAGON 67 турнирінде кештің басты жекпе-жегі аяқталды, деп хабарлайды Prosports.kz.
Турнирдің басты жекпе-жегінде жартылай жеңіл салмақтағы чемпион, «Қырғыз феномені» Муртазали Магомедов (8-0) «Қазақ Сехудосын» жеңген бразилиялық Клаудечи Бритомен (11-4) кездесті.
Бірінші раундта бразилиялық файтер көрермендерді қатты алаңдатты, чемпионды нокдаунға жіберіп, Магомедовты партерде тұншықтыра бастады, бірақ «Қырғыз феномені» бұл қауіптен абыроймен құтылды. Дегенмен, раунд Бритоның пайдасына шешілді.
Екінші раундта Магомедов басымдық танытты. «Қырғыз феномені» тамаша тізе соққысымен қарсыласын нокаутқа жіберіп, жеңіске жетті.
Турнирдің бас серіктесі - UNDERDOG спорт агенттігі
OCTAGON лигасының бас серіктесі - 1XBET букмекерлік компаниясы