OCTAGON 67 тікелей трансляциясы: «Қырғыз феномені», UFC-ге үміткер және экс-чемпион жекпе-жек өткізеді
6 желтоқсан күні Бішкекте Еуразиялық жекпе-жек лигасының OCTAGON 67 турнирі өтеді, деп хабарлайды Prosports.kz
Жекпе-жек кешінде танымал файтерлер өнер көрсетеді. Жартылай жеңіл салмақтағы бұрынғы чемпион, жеңіліп көрмеген Шермурат «Пантера» Калилов (9-0) ирандық Махьяр Рафиямен (6-2) кездеседі.
Сонымен қатар, UFC-ге үміткер, Дағыстан файтері Магомед Идрисов (5-0) қырғызстандық «Солдат» Бекчоро Тыныбековпен (3-2) күш сынасады.
Өзбекстандық файтер Сардор Худойбердиев (7-3) октагонда Қырғызстан өкілі Калысбек Саидибрагиммен (5-4) шеберлік байқасады.
Турнирдің басты жекпе-жегінде жартылай жеңіл салмақтағы чемпион, «Қырғыз феномені» Муртазали Магомедов (8-0) «Қазақ Сехудосын» жеңген бразилиялық Клаудечи Бритомен (11-4) кездеседі.
Таяуда файтерлер ресми салмақ өлшеу рәсімінен өтіп, көз арбасты.
Жекпе-жек кешінің тікелей трансляциясы 6 желтоқсанда Қазақстан уақытымен 17:00-де басталады. Турнирдің тікелей трансляциясын OCTAGON TV ютуб-арнасынан көруге болады.
Турнирдің бас серіктесі - UNDERDOG спорт агенттігі
OCTAGON лигасының бас серіктесі - 1XBET букмекерлік компаниясы