Алматыда АТР 250 турнирінің іріктеу сайыстары басталады
Бүгін Алматыда Almaty Open АТР 250 турнирінің іріктеу сайыстары өтеді.
Матчтар сағат 10.00-де Almaty Arena корттарында басталады.
Жарысқа арнайы шақырту алған 16 жастағы Әмір Омарханов орталық кортқа екінші болып шығады.
Ә.Омарханов бастапқы кездесуін дүниежүзілік рейтингіде кезінде 21-орынға дейін көтерілген, жекелей сында ATP турнирлерінің екі дүркін чемпионы, 2015 жылы Ұлыбритания құрамасы сапында Дэвис кубогын жеңіп алған Дэниел Эванспен өткізеді.
Қазақстандық тәжірибелі теннисші Михаил Кукушкин іріктеу сайыстарының алғашқы айналымында өзбекстандық Хумаюн Сұлтановты сынап көреді. Ал Денис Евсеев ливандық Бенжамин Хассанмен шеберлік байқасады.
Қазақстан аумағында ойындардан Қазақстан теннис федерациясының сайтында (ktf.kz), сондай-ақ Qazsport және Insport спорттық телеарналарында тікелей көрсетілімдер жоспарланған.