Олимпиада ойындарының екі дүркін чемпионы Рафаэль Надаль мансабын аяқтады
"Үлкен дулыға" турнирінің 22 дүркін жеңімпазы, әлемнің бұрынғы алғашқы ракеткасы испаниялық Рафаэль Надаль мансабын аяқтады.
38 жастағы испаниялық Рафаэль Надаль кәсіпқой теннисші мансабын аяқтағанын әлеуметтік желідегі ресми парақшасында мәлімдеді. Ол 22 дүркін "Үлкен дулыға" турнирінің чемпионы. Франция ашық чемпионатын, яғни "Ролан Гарросты" 14 мәрте жеңген.
2008 жылы Пекинде өткен және 2016 жылы Риода ұйымдастырылған Олимпиада ойындарының алтын медаль иегері
. Айта кетейік, 31 шілдеде екі дүркін Олимпиада чемпионы Надаль 1/4 финалда жерлесі Карлос Алькараспен дуэтте АҚШ-тық жұп Раджив Рамға және Остин Крайчекке 2:6, 4:6 есебімен есе жіберді. Кездесу 1 сағат 27 минутқа созылған болатын. Осылайша Рафаэль Надаль өзінің Олимпиада ойындарындағы мансабын тәмамдады.