WBC нұсқасы бойынша әлем чемпионы келесі қарсыласы ретінде Мейірім Нұрсұлтановты таңдады
WBC нұсқасы бойынша әлем чемпионы Адамес басқа қазақ боксшысын таңдады, деп хабарлайды Prosports.kz
BatmanBoxing Twitter-парақшасы қазақстандық боксшы Мейірім Нұрсұлтанов орта салмақта WBC нұсқасы бойынша әлем чемпионы атағы үшін айқас өткізетінін мәлімдеді.
«Сыбыстар бойынша: Карлос Адамес (24-1, 18 КО) орта салмақта WBC нұсқасы бойынша әлем чемпионы атағын қазақ Мейірім Нұрсұлтановқа (20-0, 11 КО) қарсы жекпе-жекте қорғайды», — делінген аталған мәліметте.
Бұл салмақта WBO және IBF нұсқалары бойынша әлем чемпионы атақтары қазақстандық Жәнібек Әлімханұлына тиесілі. Ол аталған титулдарын 4 қазан күні Аустралияда жаңазеландиялық Андрей Михайловичке қарсы айқаста қорғады.
Естеріңізде болса, Әлімханұлы бұған дейін Адаместі бірнеше рет жекпе-жекке шақырған болатын. Алайда, доминикалық боксшы Жәнібекті мазақ етіп, жекпе-жекке қатысты нақты жауабын берген жоқ.