Қазақстан шахматшылары Грузиямен тең ойнады

Бүгін шахматтан Қазақстан әйелдер командасы Будапештегі Олимпиадада Грузиямен тең түсті, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.

Екі команда арасындағы барлық ойын тең аяқталды (2-2). Бізден Бибісара, Алуа, Меруерт пен Ксения өнер көрсетті.

Осылайша, Қазақстан мен Үндістан әйелдер командасы 17 ұпайдан жинап, көш басында тұр. Польша мен АҚШ-та 16 ұпайдан. Армения мен Испанияда 15-тен. Біз шешуші турда АҚШ-пен ойнаймыз.