Қазақстан құрамасының бас бапкері Жуков туралы сұраққа жауап берді

Жуковтың Қазақстан құрамасына оралуы туралы бас бапкердің ұстанымы белгілі болды, деп хабарлайды Prosports.kz 

Қазақстан құрамасының бас бапкері Станислав Черчесов жартылай қорғаушы Георгий Жуковты ұлттық құрамаға шақыру туралы сұраққа жауап берді. 

Маман қазіргі уақытта Жуковты бапкерлер штабы Қазақстан құрамасының ойыншысы ретінде қарастырмайтынын айтты. Сонымен қатар, футболшының құжаттармен проблемалары бар екенін атап өтті.

Жуков 2022 жылдан бері Қазақстан құрамасында ойнамады. 29 жастағы хавбектің есебінде ұлттық құрамада барлығы 21 матч бар. 

Қазіргі таңда Георгий Қытайдың «Цанчжоу Майти Лайонс» клубында өнер көрсетеді. Оның еншісінде 63 матч, бір гол және бір нәтижелі пас бар.