Криштиану Роналду ғасыр антирекордын орнатты

Португалия құрамасының шабуылшысы Криштиану Роналду Еуро-2024 1/8 финалында Словенияға пенальтиден гол соға алмады, деп хабарлайды Prosports.kz.

105-минутта португалиялық жұлдыздың тепкен добын Ян Облак кері қайтарды.

Sofascore ақпараты бойынша, Криштиану XXI ғасырда үш үлкен халықаралық турнирде үш рет пенальтиден мүлт кеткен алғашқы еуропалық атанды. Роналду 2016 жылғы ЕУРО-да Австрияға, 2018 жылғы әлем чемпионатында Иранға пенальтиден гол соға алмаған еді.

Португалия Словенияны пенальти сериясында жеңген, енді ширек финалда Франциямен күш сынасады.