Азия чемпионаты: Нұрлыхан Шархан мен Аруна Жангелдина қола медаль үшін күресте жеңіліп қалды

Дзюдодан Гонконгта өтіп жатқан Азия чемпионатының соңғы жарыс күнінде жүлдеге таласқан екі спортшымыз да жеңіліп қалды, деп хабарлайды Prosports.kz тілшісі Olympic.kz сайтына сілтеме жасап.

Қыздар арасында 78 келіде сынға түскен Аруна Жангелдина кіші финалда моңғолиялық спортшыдан қосымша уақытта ұтылды.

Ерлер арасындағы бәсекеде 100 келіге дейінгі салмақта белдескен Нұрлыхан Шархан қола медальға қол жеткізе алмады. Ол қосымша уақытта тәжікстандық қарсыласына жол берді.

Айта кетелік, Қазақстан командасының еншісінде 3 қола медаль бар.