UFC-дегі қазақстандық файтер мансабын аяқтады

Қазақстандық бапкер Айбек Шоқпұтов шәкірті Сергей Морозов мансабын аяқтағанын мәлімдеді.

- Сергейге келер болсақ, ММА жауынгері ретінде мансабын аяқтады. Қазір отбасының жанында. Ары қарай не істейтінін өзі шешуі керек. Спортта қала ма, әлде бизнеске бара ма...., - деді бапкер.

Айта кетейік, Морозов кейінгі 5 жекпе-жегін UFC-де өткізді. Оның үшеуінде жеңісе, қалған екі айқасында қарсыласына есе жіберді. Десе де, оның UFC-мен тағы бір жекпе-жекке келісімшарты бар.