Мергендер Азия чемпионатының соңғы күні 3 күміске қол жеткізді

Ұлттық құрама мергендері Индонезия астанасындағы Азия чемпионатының шешуші күні тағы 3 күміс жүлдеге қол жеткізді, деп хабарлайды Prosports.kz тілшісі ҚазАқпаратқа сілтеме жасап.

<span>Спортты дамыту дирекциясынан мәлім еткендей, аралас қарқында қозғалатын жылжымалы нысана көздеуде (10 метр) Фатима Ирназарова күміс жүлдегер атанды.</span>

<span>Ол жарыста 361 ұпай жинап, тек Қатар спортшысына есе жіберді.</span>

<span>Ал ерлер арасында Асадбек Назиркульев тұғыр биігінің 2-сатысына көтерілді. Ол 377 ұпай жинап, өзінің жеке рекордын тіркеді.</span>

<span>Командалық сында Андрей Худяков, Илья Зотеев пен Асадбек Назиркульев үштігі күміс медаль жеңіп алды.</span>

<span>Бас жүлде — Индонезия құрамасында.</span>

<span>Осымен нысана көздеуден сары құрлық чемпионаты мəресіне жетті.</span>

<span>Мұнда Александра Ле (винтовка) мен Никита Чирюкин (тапанша) Қазақстан құрамасына Париж Олимпиадасының лицензиясын алып берді.</span>

<span>Қазір мергендер еншісінде 5 жолдама бар.</span>

<span>Ұлттық құрама жеңіп алған жүлде саны: 4 алтын, 5 күміс, 5 қола.</span>