Қазақстандық мерген Азия чемпионатының қола жүлдегері атанды

Қазақстандық Мария Дмитриенко Кувейт астанасында өтіп жатқан стенд атудан Азия чемпионатының қола жүлдегері атанды, деп хабарлайды Prosports.kz тілшісі ҚазАқпаратқа сілтеме жасап.

<span>Спортты дамыту дирекциясының баспасөз қызметінен мәлім еткендей, ұлттық құрама спортшысы трап бағдарламасының финалында 30 ұпай жинап, үздік үштікке ілікті.</span>

<span>Париж олимпиадасының жолдамасы жеңімпаз атанған Ван Ю Лю (Тайбэй) мен күміс жүлдегер Чжан Синьцюге (Қытай) бұйырды.</span>

<span>Мария осыған дейін іріктеуде 117 нысананы дәл көздеп, 1-орынмен ақтық сынға жолдама алған еді.</span>

<span>Еске сала кетейік, Мария Дмитриенко өткен жылы Даниил Почиваловпен бірге Бакуде өткен әлем чемпионатында жұптық сында (микст) қола медаль жеңіп алған.</span>

<span>Содан кейін Ханчжоудағы Азия ойындарында 2 қола жүлдеге (жекелей, командалық) қол жеткізді.</span>