<span>Өзбекстанның Самарқан қаласында шахматтың рапид және блиц түрінен әйелдер арасындағы әлем чемпионаты мәресіне жетті, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.</span>
<span>Ұлттық құрама көшбасшысы Бибісара Асаубаева блиц шахматтан бәсекені 6-орында аяқтады. Ол 17 турда 11 ұпай жинады (9 жеңіс, 4 тең ойын).</span>
<span>Бүгін қазақ гроссмейстері шешуші сәтке дейін жүлдеден дәмелі болды. Екатерина Лагномен жақсы ойнап, жеңіске жетті. Алайда 16-турда әлем рейтингінде 3-орында тұрған Жу Жинирге жол беріп, алғашқы үштіктен сырт қалды.</span>
<span>Былтыр тура осы уақытта Алматы қаласында өткен дүниежүзі бәсекесінде Бибісара Асаубаева 17 турда 13 ұпай жинап, алтыннан алқа таққан.</span>
<span>Бибісара 6-орын үшін FIDE-ден сыйақы ретінде 10 мың АҚШ долларын алады. Тағы бір Ұлттық құрама спортшысы Меруерт Камалиденова 8-сатыға тұрақтады. Бұл орынға 5 мың доллар беріледі</span>
<span>«Бүгін нашар ойнадым. Қазір ешқандай сұраққа жауап бере алмаймын»,-деді Бибісара ойын залынан шығып бара жатқанда.</span>
<span>Биыл бас жүлдені Валентина Гунина (FIDE) жеңіп алса (14 балл), Александра Костенюк (Швейцария) күміс, Жу Жинир (Қытай) қолаға қол жеткізді. </span><span>Қалған Ұлттық құрама ойыншыларының нәтижесі мынадай:</span>
<span>Алуа Нұрманова - 18-орын (10,5 ұпай)</span>
<span>Ксения Балабаева 25-орын (10 ұпай)</span>
<span>Зарина Нұрғалиева 39-орын (9,5)</span>
<span>Әсел Серікбай 66-орын (8,5)</span>
<span>Назерке Нұрғали 71-орын (8 ұпай)</span>
<span>Әмина Қайырбекова 95-орын (7 ұпай)</span>
<span>Лия Құрманғалиев 102-орын (6,5 ұпай)</span>
<span>Елназ Калиахмет 107-орын (6 ұпай)</span>
<span>Айару Алтынбек 110-орын (6 ұпай)</span>
<span>
</span>
<span>Жалпы блицтен әйелдер арасында 118 шахматшы сынға түсті.</span>
<span>Айта кетейік, биылғы чемпионаттың жалпы жүлде қоры – 1 миллион АҚШ доллары. Оның 700 мыңы ерлер арасындағы ашық бәсекеде, қалған 300 мыңы әйелдер арасындағы турнирдің жүлдегерлері алды.</span>