Алматыда эстетикалық топтық гимнастикадан әлем чемпионаты басталды

<span>Алматыда Балуан Шолақ спорт сарайында эстетикалық топтық гимнастикадан әлем чемпионаты басталды, деп хабарлайды Prosports.kz тілшісі «Хабар 24» сайтына сілтеме жасап.</span>

<span>Жарыс жылына бір рет өтеді. Бұған дейін әлем біріншілігі Азия құрлығында болмаған. Биыл алғаш рет жалауын көтерді. Сондай-ақ жарыс аясында Төрт құрлық чемпионаты мен Almaty Cup халықаралық турнирі де өтеді. </span>

<span>Байрақты бәсекеге 16 елден 52 команда қатысып жатыр. Ересектер мен жасөспірімдер және аралас командалар арасында 8 медаль жиынтығы ойнатылады. </span>

<span>Қазақстанның эстетикалық топтық гимнастика федерациясы 2018 жылдан бері жұмыс істейді. Оның құрамына аккредитациядан өткен 13 спорт федерациясы мен 9 филиал кіреді.</span>

<span> Мәдина Бектұрғанова, Эстетикалық топтық гимнастика федерациясының президенті: </span>

<span>- Біздің топтық эстетикалық гимнастиканың аяқ алысы жаман емес. Жылдан жылға жақсарып келеді. Қазір 9 облыста эстетикалық топтық гимнастиканың дамуына жағдай жасалған. Сонымен қатар ауылдық жерде тұратын қыздарға арналған әлеуметтік жоба бар. Ал осы жарыста Қазақстанның атынан 100-ге жуық гимнаст өнер көрсетеді.</span><br /><br />