«Ред Булл» Конструктор кубогын жеңіп алды

«Ред Булл» шабандозы Макс Ферстаппен Жапонияда өткен Формула-1 Гран-приінде жеңіске жетті, деп хабарлайды<span> </span>Prosports.kz.

«Ред Булл» команда тарихында алтыншы рет және қатарынан екінші мәрте Конструктор кубогын (World Constructors' Championship) жеңіп алды. Команда бұл жолы жүлдеге мерзімінен бұрын қол жеткізді.

Жапония Гран-приінің қорытындысы бойынша нидерландылық шабандоз 25+1 (үздік айналым) ұпай жинады.

Екінші орында 18 ұпай жинаған «Макларен» командасының британиялық шабандозы Ландо Норрис иеленді. Үшінші орын Оскар Пиастриге («Макларен») бұйырды, ол 15 ұпай жинады.

Келесі Формула-1 жарысы 2 аптадан кейін Катарда өтеді.