Винтовкамен нысана көздеуден кезекті жарыстың финалистері анықталды

Баку қаласында нысана көздеуден 53-ші әлем чемпионатында әйелдер пневматикалық винтовкамен 50 метрден 3 позицияда нысана көздеуден кім мықтыны анықтап жатыр, деп хабарлайды ҚР МСМ Спорт және дене шынықтыру істері комитеті Спортты дамыту дирекциясының баспасөз қызметі.

<span>Алғашқы іріктеу кезеңінде Александра Ле өз тобында 587 ұпай жинап, 7-орын, ал Арина Алтухова 581 ұпаймен 30-орынмен 2-айналымға жолдама алған. Өкінішке қарай, тағы бір отандасымыз Елизавета Безрукова 571 ұпаймен 64-сатыға табан тіреп, келесі айналымға шыға алмады.</span>

<span></span>

<span>Екінші кезеңнен соң жалпы есепте Ұлттық құрама сапында үздік нәтижені Арина Алтухова көрсетті. Алматылық мерген тізерлеп, жатып және тұрып оқ атудан 578 балл жинап, 52-ші болды. Ал Александра 67-орынға тұрақтады (571 ұпай).</span>

<span>«Осымен мен үшін әлем чемпионаты аяқталды. Бүгін осындағы соңғы жаттығуда бақ сынадым. Алғашқы кезеңнен 2-сіне шыққанда жақсы нәтиже көрсеттім. Ал 2-айналымдағы көрсеткіш көңілімнен шықпады. Жиі қателік жасадым. Ауа райы мен жел әсер етті дей алмаймын. Енді келесі жарыс – Азия ойындарына барымды салып дайындалам»,-деп айтты Ұлттық құрама спортшысы Александра Ле Спортты дамыту дирекциясының баспасөз қызметіне берген сұхбатында.</span>

<span>Барлығы іріктеуге 100 спортшы қатысты. Финалға шыққан 8 мықты біраздан соң жүлдеге таласады. Олардың тізімі мына жерде. Барлық финалды Халықаралық нысана көздеу федерациясының (ISSF) YouTube арнасы тікелей эфирде көрсетеді.</span>

<span></span>

<span>Айта кетейік, әлем чемпионатының финалына шыққан мергендерге ISSF рейтингте ұпай үлестіріледі. Атап айтар болсақ, жеңімпаз 3 мың, күміс жүлдегер 2625, қола жүлдегер 2250 ұпайға ие болады.</span>

<span>Әзербайжан астанасындағы чемпионат 1 қыркүйеке мәресіне жетеді. Биылғы додаға 101 мемлекеттен 1250 таңдаулы атлет жиналды.</span>