Алматыда марафонға байланысты бірнеше көше жабылады
23 сәуірде спортсүйер қауым үшін Алматы жартылай марафоны өтеді. Биыл алтыншы рет өтетін іс-шарада қатысушылар қаланың басты көшелерімен жүгіріп өтеді.
Алматы жартылай марафонының ұйымдастыру комитеті оңтүстік астана тұрғындары мен қонақтарына жарыс өтетін күні, 23 сәуірде жолдардағы қозғалыстың ішінара жабылатынын мәлім етті.<br />Жарыс өтетін күні қаланың мына жолдары жабылады:<br />Әл-Фараби даңғылының солтүстік жағында Мұстафин көшесінен Навои көшесіне дейінгі жол бөлігінде қозғалыс сағат 00:00-ден 12:00-ге дейін жабық болады. Оңтүстік жағы сағат 7:00-ден 8:10-ға дейін жабылады.<br />Әл-Фараби даңғылының солтүстік жағында Мұстафин көшесінен Назарбаев даңғылына дейінгі жол бөлігінде қозғалыс сағат 7:15-тен 09:40-қа дейін жабық болады. Оңтүстік жағы көлік қозғалысы үшін ашық.<br />Сейфуллин даңғылында әл-Фараби даңғылынан Абай даңғылына дейінгі жол бөлігінде қозғалыс сағат 7:40-тан 09:00-ге дейін толық жабылады.<br />Абай даңғылының оңтүстік жағында Саин көшесінен Байтұрсынов көшесіне дейінгі жол бөлігінде қозғалыс сағат 8:40-тан 11:10-ға дейін жабық болады. Солтүстік жағы көлік қозғалысына ашық.<br />Абай даңғылының оңтүстік жағында Сейфуллин көшесінен Байтұрсынов көшесіне дейінгі жол бөлігінде қозғалыс сағат 7:50-ден 09:30-ға дейін жабық болады. Солтүстік жағы көлік қозғалысына ашық болады.<br />Саин көшесінің шығыс жағында әл-Фараби даңғылынан Абай даңғылына дейінгі жол бөлігінде қозғалыс сағат 08:30-дан 10:10-ға дейін жабылады. Батыс жағы көлік қозғалысына ашық болады.<br />Деректер жарысқа қатысушылардың қозғалыс уақытының ұтымды бөлінуін ескере отырып енгізілді.<br />Тұңғыш Президент саябағына автокөлікпен жету үшін ұсынылатын маршрут:<br />- Мұстафин көшесінің бойымен оңтүстікке қарай әл-Фараби даңғылына дейін;<br />- Навои көшесінің бойымен оңтүстікке қарай әл-Фараби даңғылына дейін;<br />- Садықов көшесінің бойымен солтүстікке қарай әл-Фараби даңғылына дейін;<br />- Дулати көшесінің бойымен солтүстікке қарай әл-Фараби даңғылына дейін;<br />- Саин көшесінің бойымен оңтүстікке қарай әл-Фараби даңғылына дейін;<br />- Розыбақиев көшесінің бойымен оңтүстікке қарай әл-Фараби даңғылына дейін.<br />Марафон әл-Фараби даңғылындағы Тұңғыш президент саябағының жанында басталады, орталық стадионда (Сәтпаев, 29/3) аяқталады.<br />Қатысушылар қашықтықтардың бірін жүгіріп өте алады:<br />Жартылай марафон 21,1 км;<br />Жүгіру 10 км;<br />Скандинавиялық жүріс және Экиден командалық эстафетасы 10 км.<br />Марафонға 18 жастан асқан кез келген адам қатыса алады. Ал 15 жастан асқан қатысушылар басқа қашықтыққа қатысуға жіберіледі.