Шавкат Рахмонов: Головкинмен жеке сөйлеспедім, бірақ ортақ таныстарымыз бар
Қазақстандық UFC файтері Шавкат Рахмонов Матч ТВ арнасына берген сұхбатында жұлдызды отандасы Геннадий Головкиннің жекпе-жектерін жібермей көретінін айтты, деп хабарлайды Prosports.kz.
Бірақ Шавкат олардың бокс стилі ұқсамайтынын мәлімдеді.
«Головкинмен ортақ таныстарымыз бар, бірақ онымен жеке сөйлескен жоқпын. Оның жекпе-жектерін жібермей көремін. Ол өте жақсы боксшы. Бірақ стилистикалық және тактикалық тұрғыдан біз өзгеше жұдырықтасамыз», — деді Рахмонов.
Еске салайық, Шавкат Рахмонов келесі жекпе-жегін 21 наурызда Лас-Вегаста (Невада штаты, АҚШ) UFC 285 турнирінде америкалық Джефф Нилге қарсы өткізеді.
