Президент Жетісу облысында шаңғы-биатлон кешенін салуды тапсырды

Мемлекет басшысы Қасым-Жомарт Тоқаев Жетісу облысында заманауи шаңғы-биатлон кешенін салуды тапсырды. Бұл туралы президент өңірдің жұртшылығымен кездесу барысында айтты.

<span>- Үкіметке өңірде заманауи шаңғы-биатлон кешенінің құрылысын қамтамасыз етуді тапсырамын. Ол жаңа чемпиондарды даярлауға негіз болады және облыстың туристік тартымдылығын арттыруға мүмкіндік бермек. </span>

<span>Жетісу әрқашан еліміздің спорт орталықтарының бірі болған. Мұнда мықты велоспорт мектебі құрылды. Жақында отандасымыз Евгений Федоров тас жолдағы велоспорттан Аустралияда өткен Әлем чемпионатында алтын медаль жеңіп алды. </span>

<span>Жас чемпион - атақты Андрей Кивилев атындағы жергілікті олимпиадалық резерв мектебінің тәрбиеленушісі. Осы мүмкіндікті пайдаланып, Евгений Федоровты жеңісімен құттықтаймын! </span>

<span>Дәл осындай жетістіктер жастарды спортпен шұғылдануға, салауатты өмір салтын ұстауға, үлкен мақсаттарға жетуге шабыттандырады, - деді мемлекет басшысы.</span>

<br /><br />